Кумановчанец ем крадел на бензиска, ем лажно се претставувал како полицаец, ем се движел за време на полициски час

СВР Куманово поднесе кривична пријава против М.Ј.(35) од Куманово, поради постоење основи на сомнение за сторени кривични дела „лажно претставување“ и „непостапување според здравствени прописи за време на епидемија“.

Пријавениот, на 30.03.2020 околу 21.00 часот, за време на забрана на движење од 21.00 до 05.00 часот на територија на Р. Македонија, во два наврата бил на бензинска пумпа во Куманово, каде зел неколку предмети во обид да ги украде.

Тој бил забележан од вработените, но по нивна реакција при излегување лажно се претставил како полициски службеник.