Нов обид за измама преку лажна сообраќајка, на Скопјанка и побарале 50.000 денари за да ја „спасат“ нејзината ќерка

На 28.07.2020 во 18.15 часот во Полициска станица Бит пазар, К.Х.(62) од Скопје пријавила дека околу 14.45 часот се јавилo непознато лице кое ѝ кажало дека нејзината ќерка направила сообраќајна незгода во која повредила малолетно лице, нудејќи се да помогне ако за возврат му бидат исплатени 50.000 денари.

Според пријавеното, потоа се јавило друго непознато лице, кое плачејќи се претставило дека е нејзина ќерка.

По настанот пријавителката разговорала со нејзината ќерка и констатирала дека станува збор за обид за измама.

Се преземаат мерки за расчистување на случајот.