Изборна комисија на Белорусија: Резултатите не се неважечки

Нема причина претседателските избори во Белорусија да ги прогласиме за неважечки врз основа на резултатите од пребројувањето на гласовите на некои избирачки места, објави Централната изборна комисија на својата веб-страница како одговор на жалбите кои пристигнаа до Комисијата, во кои се бара пребројување на гласовите.

„Не беа доставени податоци до Централната комисија што ќе докажат дека окружните комисии дале погрешни резултати од изборите“, се наведува во соопштението. „Аргументите кои се во основа хипотетички по природа не можат да послужат како основа за одговор на претставките. Во овие околности, нема причина да се поништат изборите на избирачките места”, се вели соопштението на Централната изборна комисија, пренесува ТАСС.

Белорусија одржа претседателски избори на 9 август, а според конечните резултати на белоруската Централна изборна комисија, објавени на 14 август, актуелниот претседател Александар Лукашенко добил 80,1 отсто од гласовите.