Бродови на британската морнарица и на НАТО следеле девет руски брода на маневри во Северно и Балтичко море

Бродови на британската кралска морнарица и на НАТО придружувале девет брода на руската морнарица за време на зголемените поморски активности во водите на Кралството, јавија британските медиуми.

-Со тоа што беше во можност да ги следи и набљудува пловилата на руската морнарица, Кралската морнарица ја покажа својата флексибилност, изјави Вил Пастон, командант на британската фрегата Вестминстер.

Забележувајќи дека руската морнарица дејствувала на безбеден и професионален начин, Пастон кажа дека неговата фрегата во соработка со другите бродови на НАТО, постојано ги набљудувала руските воени бродови за време на нивното движење низ Северно и Балтичко море.