Кафич во Тетово работел и после 21:00 часот, инспектори затекнале малолетни лица и прашкаста материја кај сопственикот

СВР Тетово поднесе кривична пријава против П.Д.(23) од Тетово, поради постоење основи на сомнение за сторено кривично дело „непостапување според здравствените прописи за време на епидемија’’.

На 10/11.10.2020 пријавениот не се придржувал кон Протоколот за отворање и работа на кафетерии, објавен во „Службен весник“ од 05.10.2020 и во периодот од 23.20 до 00.30 часот во угостителски објект, во негова сопственост, полициски службеници затекнале десет лица, од кои пет малолетни, кои консумирале алкохол, а во футролата од мобилниот телефон на пријавениот била пронајдена и прашкаста материја.