Првпат повеќе од 4.300 починати од Ковид-19 за еден ден во САД

Бројот на смртни случаи од коронавирус регистрирани во еден ден достигна нов рекорд во САД.

Властите во САД вчера потврдија 4.327 смртни случаи на Ковид-19, според податоците на Универзитетот Џон Хопкинс во Балтимор.

Претходниот највисок дневен биланс беше регистриран на 7 јануари со 4.194 смртни случаи.

Во САД, каде живеат околу 330 милиони жители, околу 22,8 милиони луѓе се заразени со коронавирус од почетокот на пандемијата, а повеќе од 380.000 пациенти починале како последица на заразата.