Расчистена тешка кражба во Скопје, приведени три лица

Полициски службеници од СВР Скопје вчера ги лишија од слобода Ф.К.(25), Ф.К.(23) и Ф.И.(29), сите од Скопје, затоа што на 27 јануари 2021, во периодот од 21.30 до 23.30 часот извршиле тешка кражба во продажен објект во спортски центар во Скопје.

Како што информира денеска МВР, кај нив биле пронајдени одземените предмети и биле вратени на сопственикот, а тие биле приведени во полициска станица.

По целосно документирање на случајот против нив ќе биде поднесена соодветна пријава.