За два дена 32 автомобили не платиле патарина, со флешери поминувале и полицајци и шефови на кабинети во Влада

На 31.01 и 01.02 од страна на Одделот за внатрешна контрола, криминалистички истраги и професионални стандарди, Државниот инспекторат за транспорт и Мобилната единица за безбедност во сообраќајот беше извршена засилена контрола за санкционирање на евентуални злоупотреби при наплатата на патарина на автопатиштата и неовластена употреба на т.н. „флешери“.

Притоа изречени се 32 глоби за неплаќање на патарина. Шест полициски службеници ја поминале наплатната станица без да платат, со злоупотреба на флешери и службена легитимација и против нив покрај изречената глоба, ќе бидат преземени мерки и од страна на Одделот за внатрешна контрола.

Според информациите пак во медиумите, еден од оние кои ги злоупотребил флешерите, односно истите биле нелегално поставени на неговиот автомобил, бил и шефот на кабинет на Вицепремиерот и министер за политички систем Артан Груби.