Пандемијата предизвика големо назадување на демократските слободи во светот во 2020 година

Демократските слободи во светот се намалија за речиси 70 проценти поради ограничувањата наметнати за борба против пандемијата на коронавирусот, според студијата на „Економист“ за Демократски индекс, спроведена во 167 земји.

„Пандемијата на коронавирусот предизвика голем удар на демократските слободи, спуштајќи го просечниот индекс на демократија на најниско историско ниво“, се вели во годишната студија на истакнатиот британски неделник.

Тоа е глобален феномен, особено во автократските режими во Африка и на Блискиот исток, но „најважно е што во 2020 година личните слободи беа задушени во напредните демократии“, се вели во студијата.

„Можеби една од најважните појави е милиони луѓе доброволно се откажаа од основните слободи … но не можеме да заклучиме дека високото прифаќање на мерките притвор значи дека луѓето помалку ја ценат слободата“, коментира Џоан Хои, авторка на студијата.

„Тие едноставно заклучија, врз основа на доказите … дека спречувањето на катастрофалниот број на жртви оправдува привремено губење на слободата“, рече таа.

На прво место е Норвешка со индекс на демократија 9,81 од максимални 10, следени од Исланд (9,37), Шведска (9,26), Нов Зеланд (9,25) и Канада (9,24).

Индексот на демократијата се заснова на 60 критериуми во пет категории: изборен процес и плурализам, граѓански слободи, функционирање на владата, политичко учество и политичка култура.

Светскиот просек е 5,37, што е најлошо од воспоставувањето на годишните истражувања во 2006 година.

Најлошо е пласирана Северна Кореја со индекс на демократија 1,08.