Најмалку 18 жртви со судир на два автобуса во Гана
Најмалку 18 лица загинаа при судир на два автобуса на автопат во северна Гана, соопшти денеска локалната полиција.
Најмалку 45 лица се повредени во несреќата што утрово се случила во близина на градот Саваба во округот Централна Гонџа, изјави портпаролот на регионалната полиција, Овусу Агиекум.
Првичната истрага за причините за несреќата покажала дека еден од возачите можеби заспал зад воланот, според Агиекум.
