Белгија одлучи кои млади лица ќе бидат приоритетни за вакцинација

Здравствените власти во Белгија се усогласија за тоа кои лица треба да бидат приоритетни за вакцинација, надвор од најзагрозените категории над 65-годишна возраст и медицинскиот персонал, јави дописничката на МИА од Брисел.

Конкретно за лицата помеѓу 18 и 64-годишна возраст приоритетно ќе бидат повикани за вакцинација лицата со хронични бубрежни заболувања, како и so хронична болест на црниот дроб, лицата со Даунов синдром, болните од СИДА, и лицата кои се на список на чекање за трансплантација.

За лицата помеѓу 45 и 64-годишна возраст се додаваат оние кои имаат хронична респираторна болест, дијабетичари, лицата со деменција и оние со патолошки висок притисок.

Овие луѓе можат да очекуваат да бидат на список на вакцинација веднаш по лицата над 65-годишна возраст, односно во текот на март и април, според министерството.