Приведен скопјанец за поседување оружје и муниција

При извршен претрес во дом и помошни простории во село Варвара, скопско, приведен е А.М.(37), поради сомнеж за предизвикување општа опасност. При претресот кај А.М. пронајден и одземен е пиштол, рамка со куршуми како и поголема количина на куршуми за кои истиот не поседувал ообрение, информираат од Министерството за внатрешни работи.

Од МВР дополнуваат дека лицето се сомничи дека извршил кривично дело „предизвикување општа опасност“ казниво по член 288 од КЗ на РСМ, извршено на 4 јануари 2021 година, кога на улица „Јабланица“ во Скопје, било опожарено патничко моторно возило, „Ауди А4“ со скопски регистарски ознаки. Oд пожарот било зафатено уште едно патничко моторно возило „Форд мондео“. Лицето е лишено од слобода. По целосно документирање на случајот против него ќе биде поднесена соодветна пријава.