Гвардиола по осми пат во кариерата тренер на месецот во Премиер лигата

Стратегот на клупата на Манчестер сити, Пеп Гвардиола, е избран за најдобар тренер во јануари во Премиер лигата.

Тимот на Гвардиола изминатиот месец запиша шест победи во исто толку натпревари и се искачи на чело на табелата по 22 одиграни натпревари во англиското првенство.

За Гвардиола, кој го предводи Манчестер сити од 2016 година, ова е осма награда тренер на месецот во Премиер лигата, со што шпанскиот стратег се израмни со Хари Реднап, Мартин О”Нил и Јирген Клоп.