Мане го игра јубилејниот 200. натпревар за Ливерпул

Денешниот натпреварот од 24. коло на Англискиот фудбалски шампионат против Лестер е јубилеен, 200-ти за напаѓачот на Ливерпул, Садио Мане, објави прес-службата на „црвените“ на Твитер.

Мане има 91 гол и 39 асистенции на неговите претходни 199 настапи во дресот на Ливерпул.

Сенегалецот се пресели во Ливерпул од Саутемптон во јули 2016 година за 41,2 милиони евра. Како играч на тимот од Мерсисајд, Мане стана шампион на Англија и победник во Лигата на шампионите.