ПСЖ подготвен да му понуди договор на Донарума

Пари Сен-Жермен покажува интерес за голманот на Милан, Џанлуиџи Донарума, тврди „Ла Газета дело Спорт“.

Директорот на францускиот фудбалски шампион, Леонардо добро го познава Италијанецот уште од времето кога беше во Милан, и долго време го убедуваше играчот да му се приклучи на ПСЖ.

Претходно стана познато дека Милан е подготвен да му плати на Донарума 7,5 милиони евра годишно според долгорочен договор, но агентот на играчот Мино Раиола инсистира на 10 милиони евра годишно со пократок рок на договорот.

Актуелниот договор на 21-годишниот голман со Милан се пресметува до крајот на тековната сезона.

Донарума оваа сезона одигра 20 натпревари во Серија А, од кои на седум не прими гол.