Сообраќајка на патот Струмица-Радовиш, во прекин сообраќајот за товарни возила
Заради сообраќајна незгода која се случи вечерва по 17:00 часот на патот Струмица – Радовиш, кај селото Владевци, повеќе од еден час беше во прекин сообраќајот за товарни возила.
Според портпаролката на СВР Струмица, Александра Трајанова, во сообраќајката учествувале две патнички возила. Повредени и загинати нема, а причинета е само материјална штета.
На местото на незгодата увид извршила полицијата и по завршувањето сообраќајот повторно е нормализиран.
