При воена вежба, со прострелна рана повреден припадник на Армијата на Република Македонија

Припадник на АРМ вчера околу 13 часот се здобил со прострелна рана од пиштол во пределот на стапалото при воени вежби на воениот полигон „Криволак“.

Министерството за внатрешни работи денеска соопшти дека случајот е пријавен вчера во 13:45 часот во полициската станица во Неготино.

Повредениот е пренесен во Општата болница Кавадарци, а увид на местото на настанот извршила увидна екипа на ОВР Кавадарци.