154 санкции за брзо возење на автопатот Скопје-Куманово и магистралниот пат Арачиново-Куманово

Во текот на вчерашниот ден (30.04.2021) спроведена е зајакната акциска контрола на автопатот Скопје-Куманово и магистралниот пат Арачиново-Куманово за санкционирање на возила кои се движат со брзина поголема од дозволената, при што санкционирани се 154 возачи.

Од нив, 104 се движеле со брзина над дозволената надвор од населено место, а 50 возила се движеле со брзина поголема од дозволената во населено место.

Засилените акциски контроли продолжуваат и во наредните денови.