217 сообраќајни прекршоци во Ченто

Секторот за внатрешни работи Скопје денеска (15.06.2021) спроведе засилена акциска контрола во областа на сообраќајот на територијата на скопската населба Ченто, при што се санкционирани 217 возачи. За управување без возачка дозвола санкционирани се 35 возачи, за возење со поголема брзина од дозволеното- 32, за непрописно вградени фолии- 15, за зборување на мобилен телефон-14, некористење сигурносен појас-14, нерегистрирани возила-осум итн.

Засилените акциски сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.