Британец ѝ понудил „претфудбалски договор“ на девојката

Џорџа Холмс од Велика Британија на „Тик ток“ го објави и го покажа интегрално договорот што ѝ го врачило нејзиното момче Џоел во пресрет на Европското првенство во фудбал.

„Не верувам оти јас сум единствената што добила писмо од момчето пред Европското фудбалско првенство“, напиша таа покрај видеото што собра близу 50.000 допаѓања.

Во „документот“, инаку, се наведува дека меѓу условите и одредбите „за Европското првенство што се одржува од петок, 11 јуни до недела, 11 јули 2021 година“, е тоа дека нема да има „интеракција со мобилен телефон“ освен ако тој не ѝ се јави да ѝ каже „дека по фудбалот се враќа дома“.

Друго правило гласи дека таа никогаш не треба да го прашува мажот кога ќе се врати дома, бидејќи поголемиот дел од времето ќе го минува во пабот. Клаузулата бр. 3, сепак, ѝ дозволува на Џорџа да го повика своето момче кога се работи исклучиво за итен случај. Таа може да му испраќа пораки само на полувреме или по крајот од натпреварот, бидејќи „неговото целосно внимание мора да биде насочено кон играта“. Испраќањето пораки за време на играта е строго забрането.

Тој исто така, додава дека секое лошо расположение предизвикано од играта не треба да се сфаќа лично, а и најавува дека често ќе се враќа дома во алкохолизирана состојба.

„Ако мислите дека пропуштив нешто или имате каков било друг предлог, Вие можете да се јавите или да организирате средба лице в лице, секогаш кога Вам ви одговара. Ви благодарам”, се вели на крајот од „документот“.

Последниот благо саркастичен, но, сепак ,шеговит коментар на девојката гласи: „Е** се, Џоел!“