Три најголеми бугарски банки прекинуваат со отворање на депозити

Две од најголемите банки во Бугарија прекинуваат со отворање на депозитни сметки. Тоа се случи откако на почетокот на годината банката ДСК, ја започна таквата услуга.

Од почетокот на јули 2021 година, ова го преземаат и другите две големи бугарски финансиски институции – УниКредит Булбанк и Поштенска банка. Нивните активности доаѓаат, откако неколку месеци претходно направија нулта каматни стапки и ги зголемија даноците за нив.

Најголемата банка во Бугарија – УниКредит Булбанк прекинува со отворање на нови депозити од 7 јули, се наведува во соопштението до клиентите на веб-страницата на институцијата. Поштенската банка ги затвора своите депозити, заклучно со 3 август.

Банките не им нудат алтернативни решенија на нивните сегашни клиенти со депозитни сметки.

Покрај затворањето на депозитите, Поштенската банка од 31 јули ќе воведе и месечна претплата за големите штедачи.

Причината најверојатно е во тоа што во финансиските институции во Бугарија се инвестирани големи суми како резултат на коронакризата и заштедите за „црни денови“ на граѓаните, кои ретко вложуваат пари во нешто друго освен депозити и имот.

Минатата година имало огромно внесување пари во бугарските банки, при што физички лица месечно заштедувале околу 250 милиони лева (125 милиони евра).