„Панасоник“ ги продаде сите акции во „Тесла“ за 3,6 милијарди долари

Производителот на техника „Панасоник“, кој е ко-сопственик на фабрика за батерии заедно со „Тесла“, го продаде целиот свој удел во автомобилската компанија за 400 милијарди јени или 3,6 милијарди долари, јави Блумберг.

Јапонската компанија поседуваше околу 730 милиони акции на „Тесла“ во март минатата година, а до крајот на истиот месец, нејзиниот удел веќе беше нула. Ова го покажуваат официјалните податоци презентирани денеска.

Во меѓувреме, цената на акциите на Тесла се намали речиси петпати за овој период.

Според портпаролот на „Панасоник“, Вајои Ватанабе, овој договор нема да го наруши партнерството со „Тесла“, а собраните средства ќе бидат искористени за идни инвестиции.