Цртеж на Да Винчи на аукција, првична проценка: 14 милиони евра

Мал цртеж на глава од мечка, на Леонардо да Винчи, ќе биде понуден на наддавање во Лондон денеска. Се очекува да биде продаден за 12 милиони фунти (14 милиони евра).

Цртежот е 7×7 см. голем, а стар повеќе од 500 години. Може да ја надмине претходната рекордна продажба што се случи 2001 година, кога цртеж на Да Винчи насловен „Коњ и јавач“ беше продаден за повеќе од 11 милиони долари.

Цртежот е нацртан со употреба на техниката сребрен молив на розово-светло хартија. Потекнува од раните 1480-ти. Според аукциската куќа „Кристи’с“, којашто е задолжена за продажбата, овој е еден од уште само неколкуте цртежи на италијанскиот мајстор на Ренесансата, коишто сè уште се во приватна сопственост.