Грција размислува за центри за вакцинација во универзитетските кампуси

Можноста за поставување центри за вакцинација во универзитетските кампуси за имунизација на студентите со почетокот на академската година, ја разгледува грчката Влада, соопшти министерката за образование на Грција Ники Керамеос во интервјуто за грчкото радио „Скај“, јави дописничката на МИА од Атина.

Паралелно, таа додаде дека ќе одржат средби со ректорите за да се разгледа начинот на кој студентите, по речиси 20 месеци ќе се вратат во амфитеатрите.

Карамеос објасни дека за невакцинираните студенти веројатно ќе биде задолжителен негативен тест.

– Апсолутен приоритет на Владата е да се врати образовниот процес со физичко присуство, а ова се однесува на сите, на училиштата, на универзитетите и ги разгледуваме сите мерки што ќе не одведат до предавање и настава со физичко присуство, истакна министерката.