Општина Центар: Основните училишта подготвени за почеток на новата учебна година

Осумте основните училишта на територија на Општина Центар се подготвени за почетокот на новата учебна година, истакна денеска градоначалникот на Општина Центар, Саша Богдановиќ и раководителката на општинскиот Сектор за јавни дејности, Јагода Јанковска на одржаниот онлајн состанок.

Опремени се и со вкупно 68 интерактивни (смарт) табли, 134 десктоп компјутери, 85 преносливи (лап топ) компјутери, 12 таблети, 65 ЛЦД проектори и 49 скенери, кои им се на располагање и на наставниот кадар, но и на учениците кои посетуваат настава. Дополнително, обезбедени се 78 принтери, 20 скенери, 26 фотокопири и 5 тн. мимио уреди.

Градоначалникот Богдановиќ и раководителката Јанковска ја информираа министерката Царовска и за претстојните инвестиции кои ќе бидат реализирани во наредниот период, односно одвоените еден милион денари за набавка на нагледни средства и два милиони денари за набавка на нови 28 интерактивни (смарт) табли за потребите на основните училишта.