Приведено едно лице, расчистено кривично дело обид за тешка кражба

На 04.08.2021 во 06.00 часот во с.Бардовци, скопско, полициски службеници од ЕВР Карпош го лишиле од слобода К.Ч.(31) од с.Бардовци поради сомнение дека во куќа во с.Бардовци се обидел за изврши „тешка кражба“ .

Тој бил приведен во полициска станица, а врз основа на судска наредба бил извршен претрес во домот во кој престојувал, при што биле пронајдени предмети за кои постои сомнение дека потекнуваат од други кривични дела.

По целосно документирање на случајот, СВР Скопје – Единица за внатрешни работи Карпош ќе поднесе соодветен поднесок.