Едно лице побарало лекарска помош по пожарот на Клиниката за трансфузиологија

На 10.08.2021 во 12:55 часот во СВР Скопје било пријавено дека настанал пожар во Комплекс клиники „Мајка Тереза”, на Клиника за трансфузиологија, при што се запалила собата во која е сместен компјутерскиот систем на клиниката.

Пожарот бил изгаснат од вработените и екипа на Бригадата за противпожарна заштита.

Притоа, на вработената Ј.М.(40) од Скопје ѝ била укажана лекарска помош поради вдишување на чад.