57 годишен жител на Маврово и Ростуше прво направил хаос во Здравствениот дом во Ростуше, па нападнал полицајци

Жител на долнореканското село Требиште е лишен од слобода, под сомениение дека го нарушил јавниот ред и мир и нападнал полициски служебници.

Според СВР Тетово, ноќеска (7 септември), половина час по полноќ, полициски службеници на СВР Тетово-Одделение за внатрешни работи Гостивар го лишиле од слобода 57-годишниот И.И. од долнореканско Требиште.

Тој се однесувал агресивно и физички ги нападнал полицајците кои дошле по пријава за нарушување на јавниот ред и мир во Здравствениот дом „Русе Бошковски“ во село Ростуше.

Приведениот таму дошол, бидејќи во установата болнички од „ковид-19“ се лекувала неговата сопруга.

Се расчистува и документира случајот, по што против И.И. ќе следува соодветен поднесок.