Кичевчанец исчезна во езерото Козјак откако се превртел чамецот со кој ловеле риби

А.Д. вчера во 17.40 часот во Полициската станица Македонски Брод пријавил дека се превртел чамецот со кој тој и Б.Л.(55) од кичевското село Пополжани ловеле риба на езерото Козјак.

Според пријавеното, А.Д. останал на чамецот и дошол до брегот, а Б.Л. пливал, но на околу 30 метри пред брегот потонал во водите на езерото. Во координација со Јавен обвинител се преземаат мерки за пронаоѓање на Б.Л. и за расчистување на случајот.