Продажбите на Тесла во третото тримесечје ги надминаа прогнозите на аналитичарите

Компанијата Тесла во третото тримесечје продала 241.300 електро автомобили и покрај недостатокот на чипови со кој се судира целата автомобилска индустрија.

Како што се соопштува од компанијата, продажбите се зголемиле за 72 отсто во споредба со истиот период лани. Тесла тогаш снабдила околу 140.000 автомобили.

Аналитичката компанија FactSet соопшти дека продажбите од јули до септември ја надминале прогнозата на Волстрит од 220.900 автомобили.

Досега во 2021 година Тесла продала 627.300 автомобили, со тоа надминувајќи го минатогодишниот број од 499.550 единици.