Тимот на Макрон го „предаде“ Бајру во 2017 година и се обиде да го купи, тврдат новинарите

Некои макронисти „наведоа дека би можеле да платат за да го надоместат“ малиот број изборни единици доделени на партијата на Франсоа Бајру, Модем, според двајцата новинари кои минатата недела ја објавија книгата „Предавникот и ништожноста“, јави дописникот на МИА.

„Предаден“ од тимот на Емануел Макрон, на неговиот сојузник од партијата Модем, Франсоа Бајру му беше понуден финансиски надоместок што тој го одби, велат новинарите Жерар Даве и Фабрис Лом во нивната книга „Предавникот и ништожноста“.

Авторите, кои прецизираат дека ги предупредиле стотината соговорници дека ги снимаат нивните интервјуа, го цитираат Франсоа Бајру објаснувајќи дека склучил договор со Емануел Макрон непосредно по неговиот избор во мај 2017 година за поделба на 577 изборни единици, вклучувајќи 144 за Модем. Но, следниот ден генералниот секретар на партијата ЛРЕМ (Републиката во Марш) Ришар Феран објави дека има само 16 изборни единици за Модем.

Франсоа Бајру е лут, но Емануел Макрон молчи. Франсоа Бајру инсистира, а потоа на крај доби околу педесет места за пратеници, резимираат авторите. Пред сè, некои макронисти „имплицираа дека можат да платат, да ни дадат пари како надоместок“, пишуваат Жерар Даве и Фабрис Лом, повикувајќи се на Франсоа Бајру кој пресметува, според нив, сума од „четири милиони евра“.

Опкружувањето на Ришард Феран, кој оттогаш стана претседател на Националното собрание, за француските медиуми изјави дека рече дека „не е во тек“ дека можело да се понуди таков пазар.

-Имаше момент на напнатост околу бројот на пратеници што требаше да ги имаме и навистина се кажани несреќни зборови, велејќи: „ако немате број на пратеници, можеме да ви гарантираме ресурси, објасни од негова страна, Франсоа Бајру, интервјуиран за Европа 1.

-Но, ова се практики што не ги одобруваме“ додаде тој, прецизирајќи дека за него Емануел Макрон „не е во мали маневри“ и дека повторно „очигледно“ ќе гласа за него, ако биде кандидат во 2022 година.