Роденденска крводарителна акција во Карпош

Во спортската сала на ООУ „Лазо Трповски” во општина Карпош денеска ќе ја спроведе традиционалната крводарителна акција која се организира во пресрет на Денот на Општината – 3 Ноември.

– Граѓаните од Карпош, но и од други општини од градот, кои се традиционални дарители или сакаат да даваат крв, тоа ќе може да го сторат денеска од 9 до 17 часот, во спортската сала на ООУ „Лазо Трповски“, велат од Општина Карпош.

Акцијата на доброволно дарување крв се организира во соработка со Институтот за трансфузиона медицина и Црвениот крст при општина Карпош.

Организаторот на оваа хуманитарна акција ги потсетува потенцијалните дарители дека е задолжително да се почитуваат заштитните мерки пропишани за Ковид-19, што значи почитување на протоколите пропишани од Комисијата за заразни болести и Министерството за здравство.