На мексиканска плажа помор на 300 желки

Околу 300 угинати морски желки се најдоа на мексиканската плажа „Моро Ајута“ последниве неколку дена. Наводите за поморот беа потврдени од истражниот орган на Министерството за животна средина во Мексико.

Животните пронајдени на плажата на брегот на Тихиот Океан, сите биле женки од загрозениот вид „маслиново ридли“ (Lepidochelys olivacea), изјави за мексиканските медиуми биолог од државниот надлежен орган. Причината за поморот се истражува, соопштија властите.

Овој вид, всушност, е најмалата од морските желки и според информациите можеби биле фатени во нелегално рибарење со мрежи.

„Моро Ајута“ е во заштитено подрачје каде што морските желки „маслиново ридли“ вообичаено се размножуваат.