Четири лица повредени во две сообраќајки во Тетовско

Двајца велосипедисти и возач на автомобил „мерцедес“ се повредни вчера околу 23:30 часот во Тетово при сообраќајна незгода на кружниот тек на булеварот „Видоja Смилески-Бато“ со улица „Браќа Миладинов“.

Уште еден возач е повреден при излетување од коловозната лента на автопатот Гостивар-Тетово.

-Патничко моторно возило „мерцедес“ со тетовски регистарски ознаки, управувано од Б.И.(48) од Тетово, удрило во два велосипеди управувани од С.М.(54) и В.Р.(39), двајцата од Тетово. Во несреќата возачот се здобил со тешки телесни повреди, а двајцата велосипедисти се здобиле со телесни повреди констатирани во Клиничката болница во Тетово, информира Марјан Јосифоски, портпарол на СВР Тетово.

Претходн, во текот на вчерашниот ден околу пладне на автопатот Гостивар-Тетово, кај клучка „Жеровјане“, патничко моторно возило „фолксваген голф“ со тетовски регистарски ознаки, управувано од Ш.Р.(22) од с.Доброште, излетало од коловозот. Во несреќата возачот се здобил со тешки телесни повреди констатирани во Клиничката болница во Тетово.