Кривична пријава за 26 годишен Кавадарчанец, украл два мобилни, нападнал женско лице и се самозадоволувал на јавно место

СВР Велес поднесе кривична пријава против Д.И.(26) од кавадаречко, поради постоење основи на сомнение за сторено кривично дело „разбојништво“.

Имено, пријавениот на 21.11.2021 во Кавадарци, со употреба на сила и закана од С.А. од Демир Хисар одзел мобилен телефон, а на 28.11.2021 во Кавадарци, физички ја нападнал И.П. од Кавадарци, а со употреба на физичка сила од М.Ф. од Кавадарци, одзел мобилен телефон и женска ташна.

Против него е поднесена уште една кривична пријава поради тоа што на 17.12.2021 во Кавадарци задоволувал полови страсти на јавно место, пред друго лице.