Акција за чистење на снегот од паркиралиштата со кои стопанисува ЈП „Градски паркинг“ – Скопје

Јавното претпријатие „Градски паркинг“ денеска спроведе акција за расчистување на снегот од паркиралиштата со кои стопанисуваат.

Како што информираат од претпријатието во координација со Зимската служба на Град Скопје одредиле и договориле мерки и активности што треба да се преземат за да се овозможи безбеден и непречен пристап до паркиралиштата на претпријатието.

-Во акцијата за чистење вклучени се вработени во претпријатието и механизација со која располага ЈП „Градски паркинг“, т.е. комбинирана машина за чистење снег туркач и соларка, рачни лопати и мал кипер „ивеко“ за расфрлање сол на критични точки, истакнаа од претпријатието.

Чистењето се спроведе во паркинг зоните: А01, А3, А4, А05, А06, А8, Б7. Паркиралишта: Нова Македонија, АМСМ, Народен Фронт, Треска, Зоил, Тутунски Комбинат, клинички Центар „Мајка Тереза“, како и пристапните површини до: катните гаражи: „Беко“ и „26ти Јули“, дирекцијата, кол центрите во Центар, Аеродром и Илинден.

– На сите наведени површини се исчистија влезно- излезните пристапи, пристапните патеки до паркинг местата и слободните паркинг места. Активностите за расчистување на снегот ќе продолжат и во текот на денот и наредните денови во зависност од потребите.Апелираме до возачите да возат внимателно со прилагодена брзина кон условите на коловозот, наведоа од ЈП „Градски перкинг“.