Струмичанец доби кривична пријава за непријавен Данок на доход и ДДВ

Отсекот за економски криминал при СВР Струмица до Основното јавно обвинителство Струмица, поднесе кривична пријава против Н.Б.(45) од Струмица и правен субјект со седиште во Струмица поради постоење основи на сомнение дека сториле кривично дело „даночно затајување“ по член 279 од Кривичниот законик.

Пријавениот Н.Б., во својство на управител правниот субјект, во периодот од 01.01.2020 до 31.12.2020 не пресметал и не платил данок на личен доход во износ од 280.048 денари со затезна камата за ненавремено плаќање во износ од 24.183,оо денари, што е спротивно на одредбите од член 84,87,89,92 и 93 од Законот за личен доход.

Исто така, во периодот од 01.01.2019 до 30.09.2021 не пресметал и не платил Данок на додадена вредност во износ од 518.078 денари, што е спротивно на одредбите од член 52 став 1 од Закон за данок на додадена вредност.

Со ваквите дејствија тие предизвикале штета на Буџетот на Република Северна Македонија во висина од 822.309 денари.