67 годишна жена од Неготино отишла на гости кај познаник, му ја украла картичката и извадила 60.000 денари од банкомат

ОВР Неготино поднесе кривична пријава против М.А.(67) од Неготино, поради постоење основи на сомнение за сторено кривично дело „оштетување и неовластено навлегување во компјутерски систем“.

На 19.12.2021, додека престојувала во домот на оштетеното лице од Неготино, пријавената од неговиот паричник ја одзела платежната картичка по што од банкомат во неколку наврати извадила вкупно 60.000 денари.