Граѓаните „ги окупираа“ бензиските пумпи, дел слушнале дека цените драстично ќе пораснат, дел дека ќе нема доволно гориво

На бензинските пумпи ширум државата доцна попладнево се создадоа долги колони, откако на социјалните мрежи се раширија информации за можно истрошување на резервите од горива, иако надлежните институции и компаниите објавија дека имаат доволни залихи.

Граѓаните панично побрзаа да се снабдат со сите видови горива и во очекувањето од понеделник цените повторно да се зголемат, соодветено на растот на цената на нафтата на светските пазари. Некои освен во резервоарите на своите возила, полнеа и канистри, па дури и буриња.