Кер: Не ги докрајчуваме противниците кога ќе се најдат во тешки ситуации

Тренерот на Голден Стејт, Стив Кер, зборуваше за проблемите со кои се соочи тимот во последните натпревари.

Голден Стејт на вчерашната средба со Лос Анџелес лејкерс пропушти голема предност и му дозволи на противникот да ја прекине серијата од четири порази.

– За време на овој натпревар имавме таква типична ситуација. Не ги докрајчуваме противниците кога ќе се најдат во тешки ситуации. Правиме грешки и ги оставаме да се вратат во игра. А кога го дозволувате ова во НБА-лигата, тогаш сè е лошо за вас, изјави Кер.

Вориорс имаат осум порази во последните 10 натпревари.

Голден стејт и покрај лошата серија, се наоѓа на 2.место на табелата во Западната конференција. Тимот предводен од Кер има биланс од 43 победи и 21 пораз.