Промоција на албумот „City of Diluted Lights“ на „Sinking Photon“

Во кумановската библиотека „Taне Георгиевски” денеска ќе биде промовиран албумот „City of Diluted Lights” на „Sinking Photon“, во издание на издавачката куќа „Магна Матер/Wire Entertainment“.

„Sinking Photon“ е проект на музичарот, композитор и поет Никола Наумовски. „City of Diluted Lights” e негово прво музичко издание, кое дигитално може да се слушне и купи на профилот на издавачот.

Микс на албумот е направен од Алекс Плант, додека aртворкот е дело на Фросина Милковска. Музиката е експериментална и атмосферична и претставува симбиоза од повеќе музички жанрови како џез, електронска и амбиентална музика, индастријал и нео класика.