Кривична пријава за загрозување на животната средина и природата со отпад

СВР Скопје – Единица за економски и компјутерски криминал поднесе кривична пријава против Ф.Ј.(20) од Скопје и против правно лице од Скопје, поради постоење основи на сомнение за сторено кривично дело „загрозување на животната средина и природата со отпад”, казниво по член 230 ст.3 вв ст.5 од Кривичниот законик.

Како што информира МВР, во февруари 2022 година, при извршена контрола од страна на полициски службеници и инспектори од Државниот пазарен инспекторат, бил пронајден нерегистриран склад за откуп и продажба на секундарни суровини, сопственост на правното лице, чиј управител бил првопријавениот. Притоа, било утврдено дека Ф.Ј., преку правното лице, неовластено тргувал со отпад без да поседува дозвола за вршење на дејност управување со отпад издадена од Министерството за животна средина и просторно планирање.