Приведен крадец во Штип, одземеното вратено на сопственикот

Во Штип на ул. „Широк Дол“ во 14.05 часот вчера полициски службеници од СВР Штип го лишиле од слобода Е.М.(19) од Штип.

Тој се сомничи дека претходно во маркет на ул. „Партизанска“ одзел повеќе предмети.

– Тој бил приведен во полициска станица, а одземените предмети биле пронајдени и вратени на сопственикот. По целосно документирање на случајот против него ќе биде поднесена соодветна пријава, соопштија денеска од МВР.