Гардист ѝ се развикал на туристка која му го допирала коњот

Туристка била прилично изненадена кога сакала да се фотографира со член на Гардата на кралицата на Велика Британија, качен на коњ во Лондон, но тој ѝ се развикал…

Иако сликањето со Гардата е доста вообичаено, жената во еден миг ги допре уздите на коњот. Поради ова, војникот почнал да ѝ вика да се повлече и да не ги допира уздите.

Видео од сѐ тоа е објавено на Тик-ток, од нејзиниот посинок, кој напиша: „По овој инцидент, никогаш нема да се вратиме во Лондон“.

Но, според мнозина, жената ја преминала границата. „Што мислеше дека ќе се случи?“, „Ова е урнебесно, тие (коњи, гардисти, б.п.) не се тука за туристите“, „Овие чувари не се туристичка атракција. Веројатно не правите селфи со чуварите во ‘вашето село’,“ „Не допирајте ги уздите – сите го знаат тоа“, „Ова не е ‘Дизниленд’, ова се коњи на должност и ѝ служат на војската“ – гласат дел од коментарите.