“Заборавени песни“ за Василица во МОБ

Оваа година под мотото “Заборавени песни“ во четврток на 12 јануари ќе се одржи концерт на кој главен изведувач ќе биде македонската пејачка Андријана Јаневска а ќе биде придружувана од оркестарот на Македонската опера и балет.

Покрај неколку популарни композиции кои ќе бидат изведени на концертот, љубителите и гостите ќе уживаат во традиционални македонски песни во аранжман на композиторот Илија Пејовски. Режисер на концертот е Љупка Јакимовска, а диригент: Бисера Чадловска.

Билетите се во продажба на билетарницата на МОБ, како и онлајн на: www.mob.mk. Новина поврзана со билетите е можноста да се купат и во „Југотон“ ГТЦ 1-кат, преку системот karti.com.mk, се со цел, билетите за МОБ да бидат подостапни до љубителите на уметноста.