Пратеници од Клубот на младински прашања и политики во посета на студентскиот дом „Стив Наумов“ во Скопје

По барање на студентите од Универзитетското студентско собрание, пратениците Моника Зајкова, Мухамед Кадриов, Артина Ќазими, Фиснике Бектеши, Сафије Садики од Клубот на младински прашања и политики на Собранието на Република Македонија и претседателот на Универзитетското студентско собрание, при Универзитетот Св. „Кирил и Методиј“- Скопје, Славчо Темелковски, ќе го посетат студентскиот дом „Стив Наумов“.

Целта на посетата, најавија од собраниската прес-служба, е да се изврши увид во просторите и да се оцени дали поправките и реновирањето се освиваат согласно предложениот Акциски план за реализација во студентските домови на активности побарани од студентите на Министерството за образование и наука.