Кривична пријава за директор на средно училиште во Битола, преку тендери го оштетил буџетот за над 12.000 евра
СВР Битола поднесе кривична пријава против В.Р.(56) од Битола поради постоење основи на сомнение за сторено кривично дело „злоупотреба на службена положба и овластување“.
Пријавениот, во својство на директор на средно училиште во Битола, во повеќе постапки за јавни набавки постапил спротивно од одредбите од Законот за јавни набавки околу набавка на информатичка и аудио опрема и околу промена на кровна конструкција и промена на надворешна столарија.
На тој начин тој го оштетил буџетот на училиштето за сума од 738.862 денари.
