МВР: Работиме на пронаоѓањето на малолетното девојче од Скопје, бараме да не се шират дезинформации

Министерството за внатрешни работи вечерва соопшти дека се преземаат интензивни мерки за пронаоѓање на 14-годишната В.Ѓ откако денеска нејзината мајка го пријави нејзиното исчезнување во полиција.

- За решавање на случајот и пронаоѓање на лицето веднаш по добиената пријава вклучени се целосните капацитети на СВР Скопје на највисоко ниво, извршени се низа разговори со лица блиски на малолетничката, прегледани камери итн. Истрагата продолжува интензивно и во текот на ноќта, се вели во соопштеието од МВР.

Оттаму апелираат да не се шират дезинформации и дека МВР постојано ќе ја информира јавноста до пронаоѓање на малолетничката.

Случајот во полиција денеска во 08:35 часот го пријави мајката на девојчето.