Американци купија 12.5 отсто акции во ПСЖ за четири милијарди евра

Американската приватна финансиска групација Арктос Партнерс стекна малцински удел во францускиот фудбалски првак ПСЖ, објави попладнево клубот од Париз.

ПСЖ соопшти дека инвестицијата ќе биде искористена за поддршка на иницијатива за изградба на стадион и тренинг центар.

Финансиските детали не се соопштени, но весникот „Фајненшл Тајмс објави дека Арктос ќе купи 12.5 отсто од акциите на ПСЖ во вредност од четири милијарди евра.

Катар Спорт Инвестмент, кој го купи ПСЖ во 2011 година, се уште има целосна контрола врз клубот и правото на одлучување.

„Како клуб и институција, влегуваме во нов возбудлива фаза од раст и развој на ПСЖ, како на теренот, така и надвор од него“, истакна во клупското соопштение претседателот на ПСЖ, Насер Ал – Келаифи.