Јаревски: СДС и ДУИ преку изведувачот Стевчо Јакимовски отворено фаворизираат бетонизација на Карпош

Коалицијата СДС, ДУИ и изведувачот Стевчо Јакимовски отворено се заинтересирани и фаворизираат бизнис вреден повеќе од 600 милиони евра за нова бетонизација на Карпош.

Станува збор за изградба на висококатници и до 35 ката кај поранешна Алумина, а инвеститор е фирма во сопственост на семејството на пратеникот на власта Исмаил Јахоски поточно, Пуцко Петрол.

Бизнис интересот на СДС и ДУИ да се изградат 353.491м2 станбено деловен простор на ултра луксузна локација, со што од тој дел на Скопје ќе направат инфраструктурно тесно грло и ќе го отежнат живеењето како на потенцијално новите жители, така и на постоечките.

Зошто власта на СДС и ДУИ го турка овој проект? И зошто се ставени во неговата одбрана? Нафтената компанија „Пуцко Петрол“ на Асмир Јахоски, син на пратеникот од ДУИ Исмаил Јахоски, е компанијата која сака да ги гради висококатниците.

Бетонизацијата на Алумина е во директна корист за ДУИ.

За бизнис од 600 милиони евра Јакимовски е претворен во портпарол на оваа политичка бизнис коалиција наречена СДС и ДУИ. За интерес од 600 милиони евра ќе има нова бетонизација на Карпош.

ВМРО-ДПМНЕ е отворено против и ќе ги спречи ваквите налудничави бизнис планови на власта. Прашањето е колку од бизнисот над 600 милиони евра ќе заврши во приватни џебови на луѓе на власта?